​Kuka: E turpshme që ne si popull të jemi të robëruar në mes të Evropës

Xhudo

​Kuka: E turpshme që ne si popull të jemi të robëruar në mes të Evropës

Më: 23 qershor 2022 Në ora: 10:41
Driton Kuka

Trajneri i Xhudos Driton Kuka ka shprehur indinjatën e tij për faktin se Kosova vazhdon të mbetet pa liberalizim të vizave.

Duke përmendur sukseset e mëdha që Kosova ka arritur përmes sportit, e posaqërisht përmes xhudos nëpër botë, Kuka përmes një statusi në “Facebook”, ka thënë se është e turpshme e irrituese që ne si popull të jemi të robëruar në mes të Evropës.

Ky është shkrimi i plotë i Driton Kukës në profilin e tij në “Facebook”:

Për një ditë të mirë miq …

Po e ripostoj pamjen pas Lojërave Olimpike në Sportin e xhudos!

Shteti me më pak se 2 milionë banorë që gjendet në zemër të Evropës shteti ynë ishte numër 1 prej krejt shteteve Evropiane!

Tregon se këndej ka vlera sa të dush por …

Evropa po diskriminon Kosovën me mos liberalizim të vizave, shteti i vetëm në Evropë!

Po shpresoj që sot të kemi ndonjë lajm pozitiv edhe pse personalisht s’po besoj.

Krejt arsyetimet që po mundohen mi jep shtete hezituese si Franca, Holanda e ndonjë tjetër aspak nuk qëndrojnë!

E turpshme e irrituese që ne si popull të jemi të robëruar në mes të Evropës!

Stop diskriminimit të Kosovës, u bë shumë!

Leni fëmijët tanë të lëvizin lirshëm si krejt fëmijët e çdo shteti tjetër Evropian!

commentFirst article
Sot mund të lexoni Shfletoni kopertinat