Kuka: Nora si sportiste ishte e vështirë gjatë rritjes së saj drejt titullit më të lartë sportiv 

Xhudo

Kuka: Nora si sportiste ishte e vështirë gjatë rritjes së saj drejt titullit më të lartë sportiv 

Nga: K. G. Më: 26 korrik 2022 Në ora: 18:14
Kuka

Driton Kuka, trajneri më i mirë në botë në xhudo, është krenar me garuesit e tij.

Kuka tregon disa detaje interesante për xhudisten kampione olimpike, Nora Gjakova (-57 kg).   

“26 korrik 2021, tash një vjet, medalja e tretë Olimpike!

Edhe një e artë. Nora Gjakova kampione Olimpike.

Mrekullia po vazhdonte, bota po mahnitej me xhudon e Kosovës.

Nora si sportiste ishte e vështirë gjatë rritjes së saj drejt titullit më të lartë sportiv në rruzullin Tokësor.

E vështirë për të ndërtuar idetë e mia në xhudon e saj.

Dy vitet e fundit kishte rënë në qetësi dhe nuk ndalej së punuari, hapte sytë në çdo sugjerim, gjatë pandemisë ishte shembull në çdo aspekt.

Bisedoja me Agronin e Fatosin çdo ditë para Olimpiadës ,ju thoja që Nora po performon shkëlqyeshëm në çdo aspekt, s’po flet, s’po komenton, po e ul kokën e po punon shumë!

Triumfoj Nora dhe tashmë Kosova dhe populli shqiptar kishte medaljen e tretë të artë Olimpike!

Dhashtë Zoti të vazhdojmë tutje!”, ka shkruar Kuka në profilin e tij në facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat