Një moment historik që mbetet i paharrueshëm për sportin dhe shtetin e Kosovës.
Më 21 prill 2016, në Kampionatin Evropian të xhudos në Kazan të Rusisë, Majlinda Kelmendi (-52 kg) u shpall kampione e Evropës, duke ngritur lart flamurin e Kosovës.
Pas polemikave dhe tensioneve paraprake, organizatorët rusë lejuan ngritjen e Flamurit të Kosovës.
Garda ruse e nderoi flamurin dhe himnin e Kosovës.
Sot, me rastin e 18-vjetorit të Pavarësisë së Kosovës, selektori i Kosovës në xhudo, Driton Kuka, publikoi fotografinë e atij momenti historik, duke shkruar:
“Po të përulen e respektojnë vlerat anembanë Botës!
Gëzuar 18-vjetorin e Pavarësisë, Kosova jonë!”.