Gjykata e Pejës e liron kampionin e Evropës nga akuza

Xhudo

Gjykata e Pejës e liron kampionin e Evropës nga akuza

Më: 20 shkurt 2026 Në ora: 16:02
Akil Gjakova

Gjykata Themelore në Pejë, Departamenti i Përgjithshëm, ka shpallur aktgjykim lirues ndaj xhudistit të Kosovës, ish kampioni evropian Akil Gjakova.

Ai ngarkohej me veprën “dhuna në familje” nga paragrafi 248 i Kodit Penal.

“Pas shqyrtimit gjyqësor, gjykata e liroi nga aktakuza të pandehurin A.Gj., në kuptim të nenit 363, paragrafi 1,nën paragrafi 1.3 të Kodit të Procedurës Penale të Republikës së Kosovës (KPPRK)”, njofton Gjykata.

Gjykata të dëmtuarën e këtij rasti S.M e ka udhëzuar që kërkesën pasurore-juridike ta realizojë në procedurë kontestimore civile.

 “Arsyetimin e këtij aktgjykimi palët do ta pranojnë me aktgjykimin e shkruar, ndërsa kundër tij kanë të drejtë ankese brenda afatit ligjor prej tridhjetë (30) ditëve nga dita e pranimit të aktgjykimit, duke e drejtuar ankesën Gjykatës së Apelit përmes kësaj gjykate”, thuhet në njoftim.

comment Për komente lëvizni më poshtë
Sot mund të lexoni Shfletoni kopertinat