Kosova është gati për Kupën Evropiane në xhudo që do të mbahet nesër dhe pasnesër në kryeqytetin malazez, Podgoricë.
Lajmi bëhet i ditur nga Federata e Xhudos e Kosovës.
“Me datë 7 dhe 8 mars mbahet Kupa Evropiane për senior 2025 në Podgoricë.
Nga Kosova do të marrin pjesë xhudistët:
Estea Arifaj (-48kg);
Laurinë Gashi (-52kg);
Erlule Musaj (-63kg);
Muhamedin Veseli (-66kg);
Anes Veseli (-90kg).
Në këtë garë marrin pjesë 298 garues, 213 meshkuj, 85 femra, nga 28 shtete të 3 kontinenteve.
Trajneri që do udhëheq garuesit në këtë garë është Kushtrim Gashi”, thuhet nga federata.