Iku nga lufta si 14 vjeçar, Safeti tani është kuzhinier i njohur në Zvicër

Zvicra

Iku nga lufta si 14 vjeçar, Safeti tani është kuzhinier i njohur në Zvicër

Më: 13 nëntor 2021 Në ora: 17:33
Safef

Gazeta italiane “La Repubblica” i ka kushtuar një artikulli kuzhinierit nga Klina që quhet Safet.

Në artikullin për Safetin thuhet se ai ishte vetëm 14 vjeç kur në vitin 1999 iku nga Klina pas luftës në Kosovë.

“Serbët vranë edhe ata më të pambrojturit. Kam parë fëmijë të hedhur në erë nga minat”, është shprehur Safeti për “La Repubblica”.

“U desh një ditë për të hipur në një tren që shkonte përtej kufirit, i mbushur me njerëz të dëshpëruar. Në Maqedoni ishte ngritur një kamp refugjatësh me shumë njerëz”, ka thënë Safeti.

Më vonë Safeti dhe familja e tij arrijnë në Romë të Italisë ku dera e parë që trokasin është mensa “Ceentro Astalli” – që ndihmonte refugjatët – e cila ofronte një vakt ushqimi, vend për të bërë dush një herë në ditë dhe një shtrat.

Me ndihmën e kësaj qendre, Safeti mësoi italisht, vijoi mësimet në shkollën e hotelerisë ku edhe zbuloi pasionin e tij për gatimin.

Sot, Safeti ka nënshtetësi italiane dhe e ka restorantin e tij në Zvicër i cili, sipas “La Repubblica”, ka fituar shumë çmime.

Në ndërkohë nesër bëhen 40 vjet prej kur qendra ku Safeti gjeti mbështetje si refugjat i ikur nga lufta në Kosovë ndihmon refugjatët që ikin nga luftërat dhe dhuna.

Tash kjo qendër ndodhet në shtatë qytete, ndihmon 20 mijë migrantë, shpërndan 300 vakte në ditë dhe ka katër vende ku mund të strehohen të gjithë ata që ndjehen në rrezik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat