Rreth 70 mijë raste të reja me CoVID-19 në Zvicër për 72 orë

Zvicra

Rreth 70 mijë raste të reja me CoVID-19 në Zvicër për 72 orë

Nga: M.L. Më: 17 janar 2022 Në ora: 15:44
Foto ilustrim

Zyra Federale e Shëndetit Publik jep informacione të përditshme për zhvillimin e epidemisë së koronës në Zvicër. Në treguesin e statistikave, Blick përmbledh shifrat nga autoritetet në mënyrë të vazhdueshme, përcjell “Bota sot”.

Në 72 orët e fundit, 67 mijë e 906 infeksione të reja me koronavirus janë raportuar në Zyrën Federale të Shëndetit Publik (BAG) nga Zvicra dhe Principata e Lihtenshtajnit. Numri i testimeve të kryera është 219 mijë e 414.

BAG raporton gjithashtu 30 raste të reja të vdekjes nga koronavirusi. 233 persona të tjerë u shtruan në spital.

Kurse, të premten, më 14 janar BAG raportoi për 32 mijë e 150 raste të reja me koronavirus.

Numri i testeve të kryera ishte 108 mijë 771.

BAG raportoi gjithashtu 20 vdekje të reja në lidhje me virusin korona ditën e premte, ndërsa 151 persona të tjerë u shtruan në spital.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat