Zvicër: Shqiptari bëhet hero, e shpëton një person derisa ishte duke u rrahur nga 20 huliganë

Zvicra

Zvicër: Shqiptari bëhet hero, e shpëton një person derisa ishte duke u rrahur nga 20 huliganë

Më: 20 shtator 2022 Në ora: 09:45
31-vjeçari, A.A 

Një shqiptar nga Maqedonia e Veriut është bërë hero në Zvicër.

31-vjeçari, A.A  arriti ta shpëtonte një person derisa ishte duke u rrahur nga 20 huliganë.

Ngjarja ndodhi rreth mesnatës së 3 shtatorit në Wintherthur.

Shqiptari ishte duke e pritur autobusin dhe në momentin kritik kishte ndërhyrë duke i përzënë huliganët.

Huliganët përpos që e kishin rrahur viktimën po ashtu ia kishin vënë flakën.

Ai ndërhyri duke e mbuluar me xhaketën e tij viktimën dhe kështu kishte arritur ta shuante flakën që e kishte kapluar.

31-vjeçari deklaroi për mediat zvicerane se ishte i shokuar nga ngjarja.

“Nuk e prisja një krim të tillë këtu” – tha ai.

Ish-ushtaraku ishte për vizitë tek familja e tij në Zvicër, përcjell Klankosova.tv

Viktima ishte dërguar në spital me djegie dhe mavijosje.

commentFirst article
Sot mund të lexoni Shfletoni kopertinat