Për shkak të reshjeve intensive pati rënie guresh dhe inertesh, bllokohet një krah i rrugës
Përkeqësimi i motit dhe reshjet intensive të shiut shkaktuan probleme në Kukës. Reshjet kanë sjellë rënie gurësh dhe inertesh në rrugën e Kombit. Për pasojë u bllokua një krah i rrugës nga Kukësi drejt Tunelit të Kalimashit.
Lëvizja e mjeteve ishte e vështirë në orët e mëngjesit dhe të paradites.
Kjo situatë është krijuar edhe për shkak të mungesës së rrjetave mbrojtëse në një krah të rrugës duke mos ndaluar rënien e gurëve dhe inerteve.
