Myftiu Tërrnava i kërkon Greqisë njohjen e Kosovës

Aktuale

Myftiu Tërrnava i kërkon Greqisë njohjen e Kosovës

Më: 5 korrik 2022 Në ora: 13:05
Heleni Vakali, Naim Tërnava

Myftiu i Bashkësisë Islame të Kosovës (BIK), Naim Tërnava, ka kërkuar njohjen e Kosovës nga Greqia.

Këtë kërkesë ai e ka bërë gjatë takimit të cilin e kishte me Heleni Vakali, udhëheqëse e zyrës ndërlidhëse së Athinës në Kosovë.

“Myftiu Tërnava e njohu mysafiren me historikun, punët dhe aktivitetet që i zhvillon institucioni i Bashkësisë Islame të Kosovës”, thuhet në njoftimin e BIK-ut. “Ai tha se BIK-u vazhdimisht ka luajtur një rol kyç në mbarëvajtjen e tolerancës dhe harmonisë ndërfetare në vend. Myftiu Tërnava kërkoi nga ambasadorja Vakali një angazhim më permanent për njohjen sa më parë të pavarësisë së Kosovës nga shteti i Greqisë”.

Sipas njoftimit të BIK-ut, “Vakali, falënderoi Myftiun Tërnava për pritjen dhe për angazhimin e tij dhe të Bashkësisë Islame të Kosovës që në Kosovë të mbretërojë një frymë paqeje e harmonie ndërmjet qytetarëve të vendit pa dallim feje a kombësie”.

“Meqë jemi në prag të festës së Kurban-Bajramit, ambasadorja Vakali uroi Myftiun Tërnava dhe gjithë besimtarët myslimanë për këtë festë”, mbaron njoftimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat