Komandanti i Gardës Kombëtare të Iowa-s viziton FSK-në

Aktuale

Komandanti i Gardës Kombëtare të Iowa-s viziton FSK-në

Më: 18 gusht 2022 Në ora: 21:05
Gjenerallejtënant Bashkim Jashari ka pritur sot në vizitë komandantin e Gardës Kombëtare të Iowa-s gjeneral major Ben Corell.

Komandanti i Forcës së Sigurisë së Kosovës Gjenerallejtënant Bashkim Jashari ka pritur sot në vizitë komandantin e Gardës Kombëtare të Iowa-s gjeneral major Ben Corell.

Të dy gjeneralët kanë vizituar Regjimentin e Mjekësisë të Komandës së Logjistikës së FSK-së, ku sipas njoftimit, është duke u realizuar trajnimi në ngritjen e kapaciteteve të mjekësisë në FSK, ku trajnimin përgatitor të ekipit të dytë të FSK-së është duke e kryer Garda Kombëtare e Iowa-s

“Vizita ka vazhduar në Regjimentin e Qëndrueshmërisë së Komandës së Logjistikës, për të parë nga afër kapacitetet e kësaj njësie dhe mundësitë e ndihmës dhe ngritjes së kapaciteteve me standardet më të larta të ushtrive moderne. Vizita e gjeneralit Corell në Kosovë do të vazhdojë edhe në ditët në vazhdim për të parë nga afër aktivitetet e njësive të FSK-së, gjithashtu edhe vizita në vendet historike e kulturore”, thuhet në njoftimin e FSK-së.

Më tej, në njoftim thuhet se vizita e Gjeneral Major Ben Corell në FSK ka rikonfirmuar edhe një herë që ShBA-të vazhdojnë të jenë mbështetëse e palëkundur në avancimin e FSK-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat