Deputetja e Aleancës për Ardhmërinë e Kosovës, Time Kadrijaj ka komentuar deklaratat e kryeministrit në detyrë, Albin Kurti se Aleanca ka kaluar pragun zgjedhor fal Nismës Socialdemokrate, duke thënë se këto janë shaka të pakripë të tij.
Kadrijaj është pyetur nëse i vije keq që marrin paga dhe tash e njëzetë herë nuk është zgjedhur kryetari i Kuvendit. Ajo ka thënë se për këtë duhet pyetur Kurti, i cili po vjen me strategji në Kuvendin e Kosovës.
Kadrijaj: Bllokada është te Kurti
“Qytetarët duhet ta dinë dhe ta kenë të qartë se kjo bllokadë e institucioneve është atje. Unë nuk punojë, pyetni në administratë ndoshta i ndalin pagat, kam punuar edhe pa pagë, nuk e kam problem këtë”, tha ai.
E lidhur me deklaratat e Kurtit se Aleanca ka kaluar pragun zgjedhor fal Nismës Socialdemokrate, Kadrijaj ka thënë se këto janë shaka të pakripë.
Kadrijaj: Shaka të pakripë të Kurti
“Ato janë shaka të pakripë të Kurtit. Kurti duhet të merret me çështje që i duhet por jo me çështjen Nisma Aleanca, sepse nuk është momenti të merret me parti tjerë por të merret me punët që i takojnë dhe me konstituimin e Kuvendit”, tha ajo.
Konstituimi i Kuvendit ka ngecur pasi Lëvizja Vetëvendosje nuk po arrin t’i sigurojë 61 votat e nevojshme për të zgjedhur Albulena Haxhiun kryetare të Kuvendit.
Partitë që deri më tash ishin në opozitë po kërkojnë tjetër kandidat, pasi sipas tyre, Albulena Haxhiu është emër i papranueshëm.
