Flamurtari, Prishtina, Penza dhe Partizani do të garojnë për trofeun e Superkupës

Basketboll

Flamurtari, Prishtina, Penza dhe Partizani do të garojnë për trofeun e Superkupës

Më: 10 tetor 2021 Në ora: 15:45
Flamurtari, Prishtina, Penza dhe Partizani do të garojnë për trofeun e Superkupës

Më 13 dhe 14 Tetor në Vlorë organizohet Superkupa Mbarëkombëtare në konkurrencën e femrave.

Katër klube me traditë: Flamurtari, Prishtina, Penza dhe Partizani do të garojnë për trofeun e Superkupës, që është e para që organizohet nga Liga Unike dhe shënon fillimin e edicionit të ri në Ligën Unike.

Klubi i Flamurtarit të Vlorës është shprehur shumë i nderuar që do të jetë mikpritës të kësaj ngjarje të madhe për basketbollin e Kosovës dhe Shqipërisë.

Kapitenia e Flamurtarit, Tea Memushi është shprehur se ndihen të nderuar që do të organizojnë Superkupën Mbarëkombëtare në Vlorë.

“Jemi shumë entuziast, që jemi vendi pritës i Superkupës Mbarëkombëtare dhe që do të ketë një Ligë Unike Shqipëri-Kosovë. Ne si ekip jemi në një formë të mirë, pasi vijmë pas një turneu ndërkombëtar, ku u renditëm të dytët dhe si fitues të Kupës së Federatës në Shqipëri.

E vlerësojmë edhe kundërshtaren tonë, Penzën, duke njohur rezultatet e saj. Ajo që është e sigurt është se do të shohim ndeshje të bukur dhe të rivalizuar”, është shprehur kapitenia e Flamurtarit për faqen zyrtare të Ligës Unike.

Më 13 Tetor do të përballen Prishtina dhe Partizani nga ora 16:00, kurse nga ora 19:00 përballen Flamurtari dhe Penza. Finalja zhvillohet më 14 Tetor nga ora 19:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat