​Këto janë ndeshjet derbi të Superligës së Kosovës në basketboll

Basketboll

​Këto janë ndeshjet derbi të Superligës së Kosovës në basketboll

Më: 16 nëntor 2021 Në ora: 19:35
Foto ilustrim

Në mesjavë do të zhvillohet xhiroja e 11-të në Art Motion Superligën e Kosovës në basketboll.

Derbi pritet të jetë ndeshja mes Sigal Prishtinës dhe Golden Eagle Yllit në kryeqytet. Pas nisjes jo shumë të mirë, të dy skuadrat janë në formë dhe do të kërkojnë fitoren e radhës. Bardhekaltrit kanë gjashtë fitore dhe katër humbje, ndërsa kampionët e Kosovës kanë shtatë fitore dhe katër humbje, andaj pritet një sfidë shumë interesante.

Bashkimi do të përballet me Rahovecin, që nuk është në formë, por kërkon këndelljen. Prizrenasit kanë pesë fitore dhe pesë humbje, kurse Vreshtarët dy fitore dhe tetë humbje. 

Drita që nuk ka shënuar asnjë fitore në elitë me dhjetë humbje, përballet me Prizreni 16, që ka gjashtë fitore dhe tri humbje. 

Xhiroja e 11-të përmbyllet me derbin e rivalëve të vjetër mes Pejës dhe Trepçës. Pejanët kanë gjashtë fitore dhe katër humbje, kurse mitrovicasit kanë tetë fitore dhe dy humbje, duke qenë lidere e Superligës. Sfidat mes këtyre skuadrave kanë qenë gjithmonë interesante dhe kështu pritet edhe të enjten mbrëma.

Art Motion Superliga – Java 11

E mërkurë 

17:00 Sigal Prishtina - Golden Eagle Ylli 

19:00 Bashkimi - Rahoveci 

E enjte 

17:00 Drita – Prizreni 16

19:00 Peja – Trepça

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat