Prof. Dr. Ridvan Ekmekçi ligjëron para basketbollistëve të Qendrës Nacionale

Basketboll

Prof. Dr. Ridvan Ekmekçi ligjëron para basketbollistëve të Qendrës Nacionale

Më: 9 janar 2022 Në ora: 13:59
Prof. Dr. Ridvan Ekmekçi ligjëron para basketbollistëve të Qendrës Nacionale

Qendra Nacionale e Basketbollit po vazhdon punën pandërprerë. Në këtë Qendër Nacionale janë grumbulluar basketbollistët U15 nga e tërë Kosova e që llogariten e ardhmja e basketbollit të Kosovës. 

Qendra Nacionale e Basketbollit është e para dhe e vetmja në vendin tonë, ku janë grumbulluar lojtarët me potencial, që stërviten dy herë në ditë dhe janë akomoduar në Prishtinë, kurse të gjitha shpenzimet mbulohen nga FBK-ja.

Në fundjavë, basketbollistët i ka vizituar Prof. Dr. Ridvan Ekmekçi nga Turqia.

Profesori i njohur ka mbajtur një ligjëratë para basketbollistëve të rinj dhe trajnerëve të Qendrës Nacionale rreth përgatitjes mentale të basketbollistëve.

Ai gjithashtu ka bërë edhe testimin mental të lojtarëve, që do të ju ndihmojë shumë në të ardhmen e tyre. 
Prof. Dr. Ridvan Ekmekçi edhe më parë ka mbajtur ligjëratë për grupmoshat e reja të Kosovës, trajnerëve dhe gjyqtarëve. 

Ekmekçi është i njohur për përgatitjen mentale, që ka shumë rëndësi në sport, derisa Federata e Basketbollit e Kosovës (FBK), që disa vite bashkëpunon me profesorin nga Turqia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat