Në fundjavë do të zhvillohet Final 4 i Kupës së Ligës së Parë në konkurrencën e femrave.
Të shtunën do të zhvillohen ndeshjet gjysmëfinale, kurse të dielën finalja. Takimet zhvillohen në palestrën e sportit të Kolegjit ISP në Marigona Rezidencë.
Sfida e parë zhvillohet ndërmjet Vushtrrisë dhe United Basketboll, ku pritet një takim interesant, pasi në garat e rregullta në Ligën e Parë, vushtrriaset kanë 11 fitore e dy humbje, ndërsa që gjilanaset dhjetë fitore e tri humbje.
Përballja e dytë zhvillohet mes AA Prishtinës dhe Peja 03. Skuadra prishtinase synon të fitojë sërish Kupën e Kosovës dhe hyn për fitore ndaj vashave pejane, që po ashtu duan kualifikimin në finale. Në garat e Ligës së Parë, prishtinaset kanë gjashtë fitore e gjashtë humbje, ndërsa pejanet kanë dhjetë fitore e tri humbje.
Orari
E shtunë
12:30 Vushtrria - United Basketball
14:30 AA Prishtina - Peja 03
E diel
15:00 FINALJA
