Skuadrat legjendare të NBA-së do të luajnë ndeshjen e kampionatit në Paris

Basketboll

Skuadrat legjendare të NBA-së do të luajnë ndeshjen e kampionatit në Paris

Më: 25 maj 2022 Në ora: 11:40
Skuadrat legjendare të NBA-së do të luajnë ndeshjen e kampionatit në Paris

Më 19 janar të vitit të ardhshëm, ekipet e Chicago Bulls dhe Detroit Pistons do të zhvillojnë në Paris ndeshjen mes tyre, e vlefshme për sezonin e rregullt. Lajmin e konfirmoi sot NBA, duke thënë se është arritur marrëveshja dhe dy skuadrat do të udhëtojnë në Europë në mes të sezonit 2022-2023.

Takimi do të luhet në “Accor Arena” në Paris, ndërkohë që biletat do të shiten në një moment të dytë. Kjo ndeshje është pjesë e eventit “NBA Paris Game 2023” dhe për Bulls do të jetë hera e tretë në histori që luajnë në kryeqytetin francez (kanë luajtur dy ndeshje në vitin 1997).

Ndërsa për Detroit kjo do të jetë hera e parë që luan në Francë, por e treta jashtë Amerikës (në vitin 2013 ka luajtur në Londër dhe në vitin 2019 në Meksikë). Në radhët e dy skuadrave ka mjaft yje, pjesëmarrës në “All Star Game”, ndaj kjo përballje pritet me interes.

NBA rikthehet në Europë pas 3 vitesh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat