Vendimet e Bordit të FBK-së: Miratohen propozicionet e garave dhe ndryshimi për basketbollistët e huaj

Basketboll

Vendimet e Bordit të FBK-së: Miratohen propozicionet e garave dhe ndryshimi për basketbollistët e huaj

Më: 29 korrik 2022 Në ora: 10:27
Vendimet e Bordit të FBK-së

Bordi i Federatës së Basketbollit të Kosovës (FBK) në mbledhjen e mbajtur më 28.07.2022 në Prishtinë ka shqyrtuar situatën aktuale në basketbollin kosovar dhe, ndër të tjera, ka vendosur si në vijim:

I ka miratuar Propozicionet e Garave për edicionin 2022/23.

Në kuadër të diskutimit të Propozicioneve të Garave për edicionin 2022/23 ka vendosur që të ndryshojë rregullin e paraqitjes së lojtarëve të huaj nga 3 + 1, në 3 + 2 të huaj në përbërje të skuadrës.

Është miratuar sistemi dhe kalendari i garave për edicionin 2022/23 për garat e kategorisë seniore.

Në kuadër të diskutimit të Propozicioneve të Garave për edicionin 2022/23 ka vendosur që të emërojë Komisionin e Garave të FBK-së në përbërje prej: Leart Hoxha (i deleguar nga Bordi i FBK-së), Valdet Spahija dhe Ylli Hoti.

I ka miratuar Kriteret për Licencim të Klubeve dhe Rregulloren për Licencim të Klubeve për edicionin 2022/23.

6. E ka vazhduar mandatin e Komesarëve të Garave të FBK-së konform Statutit të FBK-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat