FIBA Europe ia beson FBK-së edhe dy vjet projektin për Zhvillim të Gjeneratave të Reja

Basketboll

FIBA Europe ia beson FBK-së edhe dy vjet projektin për Zhvillim të Gjeneratave të Reja

Më: 12 gusht 2022 Në ora: 13:52
FIBA Europe ia beson FBK-së edhe dy vjet projektin për Zhvillim të Gjeneratave të Reja

Federata e Basketbollit e Kosovës dhe FIBA vazhdojnë bashkëpunimin edhe për dy vjet të projektit FIBA YDF “Youth Development Fund”. Ky projekt është planifikuar që të krijojë përvojë ndërkombëtare për komunikim kulturor për fëmijët e përzgjedhur, trajnerët dhe menaxherët të cilët kanë potencial në basketboll.

Projekti i mbështetur nga FIBA është i akorduar së bashku me Federatat nacionale të Turqisë, Bullgarisë, Rumanisë dhe Maqedonisë Veriore. Pjesëmarrës të projekteve do të jenë vajzat dhe djemtë të grupmoshave U-12 dhe U-13 të cilët kanë potencial dhe talent për tu bërë basketbollist/e në të ardhmen.

Disa nga aktivitet e këtij projekti do të jenë kampet nacionale, trajnimet e trajnerëve në Turqi, turne ndërkombëtare në shtetet partnere të këtij projekti. Duke organizuar këto turne e kampe në një program ndërkombëtar, FBK shpreson së këta basketbollistë dhe basketbolliste të zgjedhura do të mbesin në sportin e basketbollit dhe në të ardhmen të mbërrijnë nivele të larta profesionale.

FBK dhe FIBA YDF kanë bashkëpunim që nga viti 2016, bashkëpunim ky, i cili ka ndihmuar në zbulimin e talenteve të rinj, edukimin e trajnerëve dhe ngritjen profesionale tek lojtarët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat