Skuadra e Bashkimit nga Prizreni ka siguruar historikisht kualifikimin në fazën e grupeve të FIBA Europe Cup, duke u bërë pjesë e kësaj gare për herë të parë.
Përkundër humbjes nga Anwil i Polonisë, prizrenasit u renditën mes tri skuadrave të ashtuquajtura "lucky losers", falë diferencës më të vogël të humbjes, duke marrë kështu një biletë për fazën e ardhshme.
Bashkimi do të garojë në një grup të fortë, ku përballë do të ketë JDA Dijon Basket nga Franca, Pallacanestro Reggiana nga Italia dhe KK Cibona nga Kroacia.
Ndërkohë, kampionia e Kosovës, Trepça, është shortuar në një grup tjetër, ku do të përballet me Anwilin e Polonisë, PAOK-un e Greqisë dhe skuadrën gjermane Braunschweig.
Ky është një sukses i madh për basketbollin kosovar, duke pasur dy skuadra në fazën e grupeve të një gare evropiane prestigjioze.
