Anne Hathaway nuk i pëlqen një gjë tek vetja: emri i saj.
Aktorja zbuloi se është penduar që ka përdorur emrin e saj të vërtetë e ftuar në “The Tonight Show Starring Jimmy Fallon”.
“Ju lutem të gjithëve, më thërrisni Annie,”- tha fituesja e Oskar. “Mos ngurroni, më thërrisni si të doni përveç Anne.”
38-vjeçarja shpjegoi se i vetmi person që e thërret Anne është nëna e saj dhe kur ajo e bën këtë nuk bëhet fjalë për një gjë të mirë.
“Ajo e bën atë vetëm kur është me të vërtetë e zemëruar me mua, me të vërtetë e zemëruar”- tha aktorja.
Më pas shtoi: “Kështu që sa herë që dal në publik dhe dikush thërret në emrin tim, unë mendoj se do të më bërtasin… Kur thonë: ‘Anne!’ Unë mendoj me vete: ‘Çfarë? Çfarë bëra?’.”
