“Ndodhi brenda natës”- Ylli i Harry Poter tregon si i ndryshoi jeta pas ardhjes në jetë të vajzës: Lashë duhanin dhe …

Bota e Yjeve

“Ndodhi brenda natës”- Ylli i Harry Poter tregon si i ndryshoi jeta pas ardhjes në jetë të vajzës: Lashë duhanin dhe …

Më: 19 janar 2021 Në ora: 11:25
Rupert Grint

Stili i jetesës së Rupert Grint pa një ndryshim drastik që kur u bë prind për herë të parë.

Ylli i Harry Poter dhe e dashura e tij prej shumë vitesh, Georgia Groome mirëpritën në jetë fëmijën e tyre të parë, vajzën Wednesday, në fillim të vitit 2020.

Grint tha për Glamour se i pëlqen të qenurit baba dhe se e ardhja në jetë e vajzës e ka ndryshuar si njeri.

Image

“Është shumë argëtuese. Ndihem sikur kam ndryshuar si person,”– tha aktori.

Më pas 32-vjeçari vazhdoi: “Ndodhi disi brenda natës, ndryshimi i mënyrës së jetesës. Ndalova pirjen e duhanit menjëherë. Kam filluar të fle shumë më mire, dikur kisha një pagjumësi e tmerrshme, tani po fle”.

Grint tha se mirëpritja e një të porsalinduri në jetë gjatë pandemisë ishte “interesante”, duke vënë në dukje se kjo “e bëri përvojën edhe më intensive”.

“Ndihem shumë më tepër, nuk e di, i çlodhur çuditërisht. Ka qenë një proces shumë qetësues për mua. Padyshim që ka ditë kur lodhesh. Por është diçka vërtet e mirë për rutinën. Mendoj se më ka sjellë në një vend të mire”- rrëfeu aktori.

Grint foli edhe për lidhjen me 28-vjeçaren duke treguar se çfarë e bën marrëdhënien e tyre të funksionojë.

“Është një gjë shumë e natyrshme, ne thjesht jemi miq shumë të mirë. Jemi njësoj, mendojmë në të njëjtën mënyrë,”- tregoi ai.

Kur u pyet nëse do ta linte vajzën të ndiqte hapat e tij dhe të bëhej e famshme, Grint thotë se do ta bënte, nëse kjo do të ishte ëndrra e saj.

“Kur unë u bëra i famshëm, familja ime nuk e dinte me të vërtetë se çfarë do të thoshte kjo, sakrificat që bën dhe pasojat që le në jetën tuaj. Askush nuk e dinte me të vërtetë shkallën që do të arrinin filmat. Ju sakrifikoni shumë. Anonimiteti juaj është diçka që ju me të vërtetë e merrni për të mirëqenë, dhe unë nuk do të doja që ajo të hiqte dorë lehtë nga kjo. Por mendoj se do e lejoja. Kam pasur një përvojë të shkëlqyer dhe nuk jam penduar. Do doja që të bënte atë që dëshiron,”– përfundoi Grint.

Shfaq komentet
comments powered by Disqus
Sot mund të lexoni Shfletoni kopertinat