Rudina Dembacaj e ka treguar gjithmonë marrëdhënien e mirë që gëzon me ish-bashkëshortin e saj, Aleks Varfaj, me të cilin del shpesh për shkak të vajzës që kanë bashkë, Viktorias.
Fotot me të voglën dhe me ish-partnerin në rrjetet sociale të Rudinës nuk mungojnë e sot ka publikuar edhe një tjetër.
Të tre shfaqen pranë njëri-tjetrit, gjatë shëtitjes nga liqeni, teksa në duar mbajnë ëmbëlsira dhe kokoshka.
“Buzëqeshja e saj, është çdo gjë për ne!”, shkroi aktorja e humorit krahas fotove.
Menjëherë ndjekësit kanë nisur komentet, por njëri prej tyre i tërhoqi vëmendjen moderatores, e cila nuk e la pa një përgjigje.
“Gjëja më e mirë që mund të bëni për vajzën është kjo, edhe pse është vetëm një foto dhe kaq”, i shkruante ndjekësja.
“Nuk është vetëm një foto zemër e vogël, është një marrëdhënie, shëtitje, prezencë, gjithçka! Po kur ke zemër të ngushtë, aq kupton!”,- ia ktheu Rudina.
Më 1 janar të këtij viti, Rudina dhe Mark Frroku vendosën që të bënin celebrimin, duke e çuar marrëdhënien e tyre në një tjetër nivel.
