Shtëpia franceze e modës, Yves Saint Laurent, u kthye në pistë për një shfaqje të modës personale nën Kullën Eifel dje (e martë).
Modelet ecën në pasarelë pas muzgut me monumentin shkëlqyes si sfond.
Kjo sfilatë e brendit francez u hap nga një modele kosovare, Sihana Shalaj.
E karakterizuar me sy të mëdhenj e tipare unike që ngjajnë me ato të një francezeje, Shalaj më parë kishte sfiluar edhe për markën Prada.
Edhe kësaj radhe, paraqitja e Sihanës ishte e mahnitshme.
Ajo modeloi disa veshje, ndër to një fustan i bardh me të cilin hapi mbrëmjen madhështore dhe një i zi që kishte pjesën e gjoksit të mbuluar vetëm me një rrjetë të zbukuruar me gurë.
Veshjet u kompletuan me syze dielli të zeza e flokët e shkurtër që e karakterizojnë atë, ndërsa pjesëmarrja ishte një hap tjetër i rëndësishëm në karrierën e Sihanës.
