Artisti brazilian akuzon për kopjim të veshjes Ronela Hajatin

Bota e Yjeve

Artisti brazilian akuzon për kopjim të veshjes Ronela Hajatin

Më: 10 maj 2022 Në ora: 14:20
Ronela Hajati

Këngëtarja shqiptare, Ronela Hajati ka marrë vëmendje të madhe para performancës në Eurovision 2022.

Krahas një performanca energjike me grupin e baletit, Ronela është komentuar edhe për veshjet e saj unike dhe plotë stil.

E tillë ajo u shfaq edhe në ceremoninë hapëse të Eurovision 2022 që u mbajt të dielën (8 maj) në Torino të Italisë.

Image

 

Në krye të delegacionit shqiptar, Ronela shkëlqeu e veshur në një fustan të kaltër me detjae shumëngjyrëshe të kombinuar një kapele të madhe në kokë.

Por, për këtë dukje të këngëtares shqiptare ka reaguar një artist brazilian i njohur si ilustrues, Pedro Leopoldo, i cili ka akuzuar për kopjim të veshjes nga ai.

Image

 

Kështu ka thënë ai përmes disa postimeve në llogarinë e tij zyrtare në Instagram, duke thënë se ata kanë përdorur dizajnin e tij pa leje.

“Kanë përdorur dizjenimin tim pa leje, dhe nuk më kanë dhënë meritat”, ka shkruar ai duke postuar edhe dizajnin e ngjashëm të veshjes të punuar nga ai.

Image

 

Ndërkohë, për këtë ka reaguar edhe Niko Komani që është pjesë e delegacionit shqiptar në Eurovision, i cili u shpreh se tashmë janë në kontakt me artistin brazilian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat