Nominimet për Çmimet Muzikore Amerikane (AMAs) 2025 u shpallën të mërkurën.
Eventi do të hapë verën me prezantuesen Jennifer Lopez, drejtpërdrejt nga Las Vegasi, të hënën më 26 maj, transmeton "Bota sot".
Kendrick Lamar mori më shumë nominime.
Të tjerë artistë të nominuar janë Post Malone, Billie Eilish, Chappell Roan, Taylor Swift dhe Beyonce.
Kendrick Lamar, i cili tashmë ka tre çmime AMA në emër të tij, kryeson këtë vit me gjithsej 10 nominime. Ai është nominuar për Artistin e Vitit, Albumin e Vitit ("GNX"), Këngën e Vitit ("Not Like Us"), Bashkëpunimin e Vitit ("Luther" me SZA), Videon Muzikore të Preferuar ("Not Like Us"), Artistin Mashkull të Preferuar në Hip-Hop, Albumin Hip-Hop të Preferuar ("GNX"), dhe Këngën Hip-Hop të Preferuar (tre herë – "Like That" me Future dhe Metro Boomin, "Not Like Us", dhe "Luther" me SZA).
Nëse fiton në të gjitha tetë kategoritë, ai mund të barazohet me Michael Jackson dhe Whitney Houston për numrin më të madh të çmimeve të fituara në një vit të vetëm.
