Aktorja dhe ikonë e stilit, Zendaya, vazhdoi të mahnit edhe pas përfundimit të Met Gala 2025, duke u shfaqur në festën pas-eventit në Casa Cipriani në Nju Jork me një fustan elegant dhe të ngushtë nga marka Bardot.
Ylli i Hollywood-it, e cila tashmë konsiderohet ndër të veshurat më mirë të brezit të saj, u rikthye fuqishëm në tapetin e kuq të Met Gala këtë vit, pas një mungese disa vjeçare. Me dy pamje të kuruara deri në detaj nga stilistja e saj Law Roach, Zendaya i dha jetë temës së këtij viti të Met Gala-s me dramë, elegancë dhe një prekje teatrale.
Pas ekstravagancës së tapetit të kuq, Zendaya ruajti tonin glamoroz edhe në after-party, ku u shfaq me një stil më të thjeshtë, por gjithsesi të parezistueshëm. Fustani Bardot i theksonte linjat dhe sillte një ndjesi klasike, por moderne – një zgjedhje perfekte për të mbyllur mbrëmjen në stil.
Zendaya vazhdon të dëshmojë se është jo vetëm një yll kinemaje, por edhe një forcë e pandalshme në botën e modës.
