Nina Dobrev u duk më në formë se kurrë teksa shijonte diellin gjatë një pushimi tropikal për Festën e Falënderimeve, vetëm pak muaj pas ndarjes së saj të vështirë nga ish-i fejuari Shaun White.
Aktorja 36-vjeçare u fotografua duke kaluar një ditë të qetë në plazh me miqtë në Jalisco të Meksikës, ku ekspozoi fizikun e saj tejet të tonifikuar me një bikini të vogël me vija.
Me një ombrellë shumëngjyrëshe në njërën dorë dhe një kafe në tjetrën, ylli i “Vampire Diaries” dukej plotësisht e relaksuar dhe rrezatuese teksa ecte buzë rërës, qeshte me shoqërinë dhe freskohej në det, shkruan "Daily Mail", transmeton "Bota sot".
Dobrev, e cila prej muajit shtator është fokusuar në rikuperimin e qetë emocional pas ndarjes, dukej sikur e kishte përqafuar këtë pushim si një rifillim të vërtetë. Ajo u pa duke u hedhur në valë dhe duke ndarë momente të lehta me një mike, teksa të dyja vraponin lehtë përgjatë vijës së ujit.
Barku i saj i formësuar dhe silueta atletike binin menjëherë në sy ndërsa lëvizte me lehtësi nën diellin e plazhit.
Ky arratisje në Meksikë vjen pas lajmit të fillimit të shtatorit, kur u bë e ditur se ajo dhe snowboardisti olimpik Shaun White i kishin dhënë fund romancës pesëvjeçare dhe kishin anuluar fejesën.
