Sophie Turner ka rrëmbyer vëmendjen e mediave teksa është shfaqur në rrugët e New York-ut me një pamje tejet elegante dhe provokuese.
Aktorja britanike zgjodhi një kostum argjendi që theksonte linjat e saj, duke kombinuar stilin modern me një dozë glamuri hollywoodian.
Paraqitja e saj u komentua gjerësisht nga fansat dhe paparacët, të cilët nuk ngurruan ta cilësonin si një nga daljet më të suksesshme të saj kohët e fundit.
Dalja e Turner vjen vetëm pak ditë përpara publikimit të serialit të ri triller me grabitje në Amazon Prime, “Steal”, ku ajo mban një nga rolet kryesore. Projekti pritet të sjellë një anë më të errët dhe intensive të aktores, duke e larguar nga imazhi që publiku e njeh nga rolet e saj të mëparshme.
Me “Steal”, Sophie Turner synon të forcojë pozicionin e saj si një nga emrat më të rëndësishëm të brezit të ri në industrinë e televizionit, ndërsa paraqitjet e saj publike vazhdojnë të konfirmojnë statusin e saj si ikonë stili dhe mode.
