Këngëtarja dhe ylli i njohur britanik, Alexandra Burke, tërhoqi vëmendjen me paraqitjen e saj elegante gjatë ceremonisë së ndarjes së çmimeve të Fragrance Foundation.
Artistja u shfaq në tapetin blu e veshur me një fustan sateni në ngjyrë rozë, i cili vinte në pah linjat e saj elegante dhe figurën e hollë. Me një stil të sofistikuar dhe plot shkëlqim, Burke arriti të jetë një nga emrat më të komentuar të mbrëmjes.
Pamjen e saj ajo e kompletoi me grim të kuruar me kujdes dhe aksesorë minimalistë, duke lënë që veshja të ishte në qendër të vëmendjes. Buzëqeshja dhe vetëbesimi i saj nuk kaluan pa u vënë re nga fotografët dhe të pranishmit në event.
Paraqitja e Alexandra Burke në këtë ceremoni vjen në një periudhë kur këngëtarja vazhdon të jetë aktive në skenën e muzikës dhe të modës, duke dëshmuar edhe një herë se mbetet një ikonë e stilit për shumë fansa të saj.
