Konfirmimi për sjelljen e 95 mijë vaksinave në Kosovë, meritë e mjekëve nga diaspora

Diaspora

Konfirmimi për sjelljen e 95 mijë vaksinave në Kosovë, meritë e mjekëve nga diaspora

Më: 8 maj 2021 Në ora: 16:02
Aurora Dollenberg

Ditë më parë është bërë konfirmimi për sjelljen e 95 mijë dozave të vaksinave në Kosovë, që u bë nga presidentja e Bashkimit Evropian, Ursula Von Der Leyen, kjo është edhe meritë e punës dhe angazhimit të Federatës së Mjekëve Shqiptarë në Evropë (AMFE).

Mjekja shqiptare në Gjermani, Aurora Dollenberg, është kryetarja e kësaj Federate të Mjekëve Shqiptarë në Evropë.

Kjo është shoqata e parë e regjistruar në Gjermani, në qytetin Braunschweig dhe e vetmja e cila vepron në nivel evropian.

Në emisonin “Rrëfim Suksesi” Aurora si kryetare e federatës tregon për regjistrimin dhe funksionimin e kësaj federate, e cila ka bashkuar mantelbardhët shqiptarë anë e kënd globit

Federate kjo e cila pa asnjë përfitim, ka dhënë një kontribut të madh sidomos gjatë periudhës së pandemisë.

Për Federatën e Mjekëve Shqiptarë në Evropë, më e rëndësishme se çdo gjë tjetër, është ruajtja e shëndetit të qytetarëve dhe familjeve të tyre në Kosovë Shqipëri dhe Maqedoni.

Ndryshe Federata e Mjekëve Shqiptarë në Evropë vazhdon të kontribuojë me qëllimin për ta mbajtur botën të sigurt dhe për t’i shërbyer të gjithë shqiptarëve kudo në Evropë.

Shfaq komentet
comments powered by Disqus
Sot mund të lexoni Shfletoni kopertinat