Manchester United do të vazhdojë të luftoj për titullin e Premierligës dhe të sfidojnë Liverpoolin. Me fillim nga ora 21:00, Ole Gunnar Solsjkaer do të përballet me Nuno Espírito Santo.
Barazim i Liverpool ndaj West Brom ka ndikuar që gara e titullit këtë sezon të bëhet akoma më interesante.
Wolves do të udhëtojnë për në Old Trafford me vetëm një fitore në katër ndeshjet e tyre të fundit, mirëpo ata kanë ditur shpesh herë të shkaktojnë probleme për Djajtë e Kuq.
Transferimi i Bruno Fernandes në mesfushën e United, ka ndikuar shumë në paraqitjet e tyre këtë sezon. Ai po vazhdon që të shënoi dhe të asistoi pothuajse në shumicën e ndeshjeve në të cilat po starton.
Në anën tjetër, lojtari Adama Traore ka mbushur 1 vit pa shënuar gol në Premierligë. Nuno po lufton për Evropa Ligë këtë sezon dhe për momentin janë të pozicionuar në vendin e 11-të, e me një fitore eventuale do të vendoseshin dy pozita më lartë në renditjen tabelore.
Formacioni i mundshëm i Manchester United
De Gea; Tuanzebe, Bailly, Maguire, Telles; Matic, Pogba; Greenwood, Fernandes, Martial; Cavani.
11-shja e mundshme e Wolverhampton Wanderes
Patricio; Semedo, Coady, Saiss, Ait-Nouri; Neves, Moutinho; Adama, Podence, Neto; Silva.
