Futbollisti nga Kosova, Tician Tushi është huazuar nga skuadra e tij, Baseli te ekipi i Willit deri në fund të edicionit.
Ish-kampionët e Zvicrës të enjten (sot) e kanë huazuar futbollistin te Willi, skuadër kjo që bën gara në kategorinë e dytë të futbollit helvetik.
Tushi do të jetë i huazuar deri në muajin qershor të këtij viti, njofton faqja zyrtare e ligës zvicerane.
19-vjeçari, këtë edicion ka luajtur katër ndeshje për Baselin në Superligë.
Sulmuesi është pjesë e U-20 të Zvicrës.