Menaxheri i Wolves konfirmon interesimin për Willian Jose

Futboll

Menaxheri i Wolves konfirmon interesimin për Willian Jose

Më: 21 janar 2021 Në ora: 18:25
Willian Jose

Menaxheri i Wolverhampton Wanderers, Nuno Espirito Santo, ka konfirmuar interesimin për sulmuesin e Real Sociedad, Willian Jose.

Willian Jose është bërë temë e diskutimeve pasi u fol për një transferim të tij në “Wanda Metropolitano” si zëvendësim i Diego Costas, por që më pas u shuan këto zëra dhe tani menaxheri i Wolverhampton Wanderers, Nuno Espirito Santo ka konfirmuar për të përditshmen “Marca” që skuadra e tij është në fakt në bisedime me Real Sociedad dhe pritet të kenë rezultat.

“Kur Willian Jose do të jetë një lojtar i yni, unë do të flas më thellë për këtë, por ende nuk ka asgjë të nënshkruar”, tha ai.

Sulmuesi brazilian u transferua për herë të parë në futbollin spanjoll në 2013 kur u bashkua me Real Madrid, por ai bëri vetëm një paraqitje në ekipin e parë dhe kryesisht luajti për ekipin e Real Castilla.

Ai kishte paraqitje të mira me ekipe si: Real Zaragoza dhe Las Palmas, por është në Real Sociedad ku ai ka bërë bujë me 60 gola në katër sezone.Nuno Espirito Santo

Shfaq komentet
comments powered by Disqus
Sot mund të lexoni Shfletoni kopertinat