Ronald Koeman ka thënë sërish që Barcelona duhet të blejë në këtë afat kalimtar nëse dëshirojnë të përmirësohet, por nuk është i sigurt se do t’i jepen fonde për të forcuar skuadrën.
Barcelona ka mbetur pas Atletico Madridit në La Liga, pasi e nisi keq këtë edicion.
Ata janë përmirësuar në javët e fundit, kur morën tre fitore radhazi në kampionat.
Ato fitore ndaj Huescas, Athletic Bilbaos dhe Granadas nuk mund të fshehin faktin se skuadra e Koeman ka nevojë për lojtarë.
“Pozicioni im është i njohur: ne kemi mungesë lojtarësh, por situata ekonomike e klubit po ndikon”.
“Unë mendoj se të gjithë këtu mendojmë njësoj. Nëse askush nuk vjen, unë e pranoj dhe vazhdojmë të njëjtën gjë, por nëse duam më shumë, duhet të nënshkruajmë”, ka thënë Koeman.
