Brendan Rodgers ka kritikuar Chelsea për atë se nuk i ka dhënë kohë Frank Lampardit para se të shkarkohej.
Trajneri anglez u shkarkua këtë të hënë (25 janar), pas rezultateve të dobëta në Ligën Premier.
Ish-trajneri i Derby Countyt po ashtu thuhet se kishte acaruar raportet me drejtoreshën e klubit, Marina Granovskaia, që e mbajti një takim me Lampardin këtë të hënë.
Pas gjysmë ore bisedime, u mësua se anglezi është shkarkuar, me Rodgers që ka kritikuar këtë qasje të Chelseat ndaj trajnerëve.
“Jam me të vërtetë i pikëlluar për Lampardin, e di se sa shumë kuptim ka për të klubi”, ka thënë trajneri i Leicesterit.
“Fatkeqësisht atij nuk i është dhënë kohë. Unë vërtetë ndjejë pikëllim për të, ai po ashtu bëri gjëra të mëdha sikurse ishte lojtar”.
“Ai bëri një punë të madhe sezonin e kaluar dhe ju nuk mund ta mohoni atë gjë”, ka shtuar më tej Rodgers.
Lampardin pritet që brenda këtyre ditëve ta zëvendësojë Thomas Tuchel.
