Media italiane: Kjo statistikë e çmendur me Atalantën

Futboll

Media italiane: Kjo statistikë e çmendur me Atalantën

Më: 2 shkurt 2021 Në ora: 17:30
Media italiane: Kjo statistikë e çmendur me Atalantën

Thomas Strakosha ishte lojtari i paprekshëm në Lacion e Inzagit, duke rregjistruar më shumë minuta në Seria A krahasuar me shumë futbollistë të tjerë. Deri sa te dera e lacialëve trokiti “profesori” Reina.

Gardiani spanjoll u paraqit me një mision që tashmë duket “i gënjeshtërt” në klub: “Do ta ndihmoj Strakoshën që të rritet, ashtu siç ndihmova Donarumën”. Mosha e madhe e Reinës nuk mund të krijonte një tjetër ide përveç fjalëve të thëna nga vetë spanjolli.

Pra plani i Lacios nuk mund të ishte kurrsesi për ta bazuar të ardhmen në duart e spanjollit, por për të rritur Strakoshën. E nga kjo konkurrencë nuk është përgjigjur në mënyrën e duhur lojtari shqiptar, që ka zhgënjyer edhe në ato pak paraqitje të zhvilluara në këtë sezon të ri.

“Cittaceleste” e ka përmbledhur në pak fjalë të gjithën këtë situatë: “Drejtori Reina që “vrau” Strakoshën”. Teksa në artikull tregohet pesha e madhe që ka Reina në skuadër, tregohet edhe një statistikë e etiketuar si “e çmendur” në fitoren e fundit ndaj Atalantës në shifrat 1-3.

Portieri i Lacios ka rregjistruar 54 pasime të sakta, ndërsa më shumë kishte arritur vetëm Milinkoviç-Saviç që ishte ylli i ndeshjes dhe bëri në total 56 pasime. Pra futbollisti i dytë me më shumë pasime te Lacio në atë 90 minutësh, ku përfshihen 17 topa të gjatë që kanë përfunduar saktësisht në koordinim, të paktën 8 më shumë se çdo lojtar tjetër te Lacio dhe Atalanta. Kjo tregon qartësisht se aktivizimi i Reinës shkon përtej gjurit të fryrë të Strakoshës dhe operacionit të evituar për momentin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat