Klubi i futbollit Besa e Dobërdollit ka qenë shumë aktive gjatë ditës së sotme.
Për skuadrën që ka ambicie për në ligën e dytë kanë nënshkruar katër emra të njohur të futbollit vendor, të cilët i prezantoi drejtori sportiv Visar Baftiu.
Egzon Aziri, sulmuesi anësor 24 vjecar i cili ka një përvojë të madhe në ligën e dytë duke ardhur nga Vardar Forina, pastaj talenti i ri 20 vjecar, Halil Berisha, i cili luan në pozitën e mbrojtësit të djathtë, që ka luajtur në Metalurg, FC Shkupi dhe Vardar-Forina.
Ilas Çilafi, mbrojtës i majtë 22-vjecar, që vjen nga Teteksi, ndërsa më parë ishte pjesë e KF Shkëndija dhe Gostivari si dhe mesfushori 20 vjeçar Altin Sefo, i cili më herët ishte pjesë e Renovës, Shkupit dhe Vëllazërimit të Kërçovës.
Nga KF Besa paralajmërojnë edhe dy prurje të reja në skuadër dhe do të mbyllin afatin kalimtar të dimrit.