Moggi: Lojtarët e Interit kishin pirë para ndeshjes me Juven

Futboll

Moggi: Lojtarët e Interit kishin pirë para ndeshjes me Juven

Më: 4 shkurt 2021 Në ora: 18:38
Moggi: Lojtarët e Interit kishin pirë para ndeshjes me Juven

Luciano Moggi nuk ka mbetur i kënaqur nga fitorja e Juventusit ndaj Interit në gjysmëfinalen e Kupës së Italisë.

Edhe pse bardhezinjtë fituan, mënyra se si u arrit suksesi nuk e bind ish-drejtuesin e “zonjës së vjetër”. Moggi ka bërë përgjegjës për atë humbje të Interit portierin Handanovic dhe mbrojtësin Young, gabimet e të cilëve vendosën ndeshjen.

“Më pëlqen të fitoj. Nëse fiton ndaj Interit, fiton kundër një ekipi të madh, por gjithashtu duhet të shohim se si fituam, përndryshe bëjmë gabime. Nuk pashë një pjesë të dytë në rritje. Ata shënuan një gol në fillim dhe më pas nga zakoni i trajnerit tërhiqen për të mbrojtur rezultatin. Ne shënuam dy gola sepse mund ta shihni që lojtarët e Interit kishin pirë para se të luanin.

Young nuk mund të ndërhyjë ashtu, ai ishte shumë naiv. Atëherë në golin e dytë, nëse unë do të isha menaxheri i Interit, do të kisha hyrë në fushë, do të kisha qëlluar me shpullë Handanovic dhe pastaj do t’i shpjegoja atij arsyen në fund. Kush gabon atje më shumë? Handanovic gjatë gjithë jetës së tij, është diçka që nuk bëhet as në mesin e amatorëve.

Ne nuk emocionohemi shumë për fitoren, sepse është një fitore e drejtuar nga episodet. Penalltia nuk është një dhuratë, por një arbitër personaliteti ndoshta nuk do ta kishte dhënë atë. Young shikon topin mbi traversë dhe ndërhyn, ai ishte shumë naiv. Edhe të rinjtë do t’ia kishin vlejtur. Ne nuk jemi shumë të lumtur me një fitore si kjo, ishte më shumë një pameritë e Interit sesa fitore për Juven”, ka thënë Luciano Moggi.

Shfaq komentet
comments powered by Disqus
Sot mund të lexoni Shfletoni kopertinat