Afati kalimtar i dimrit për blerjen dhe shitjen e futbollistëve është mbyllur, por ajo e trajnerëve nuk mbyllet asnjëherë.
Ka nga ata që u kanë dhënë besim trajnerëve të tyre dhe ata që kanë vendosur të ndryshojnë dhe duhet të zgjedhin një të ri.
Janë të shumtë trajnerët në pritje në Europë. Më poshtë janë renditur më të mirët, sipas transfermarkt.
Massimiliano Allegri
Emri më i rëndësishëm i listës. Pas fitoreve të mëdha të arritura me Juventus-in, Allegri është në pritje të ofertës së duhur. Real Madrid dhe Manchester United mbeten alternativat kryesore për sezonin e ardhshëm.
Maurizio Sarri
62 vjeç dhe me një dëshirë akoma të madhe për të treguar idetë e tij. Maurizio Sarri, pas lamtumirës nga Juventus, mbetet në pritje të një skuadre të re.
Andre Villas-Boas
Dorëheqja e tij nga Marseille ka bërë bujë. Portugezi është i lirë tashmë në merkato.
Ernesto Valverde
Spanjolli, pas eksperiencës te Barcelona, është gjithashtu në kërkim të një stoli.
Lucien Favre
Lamtumira më e çuditshme e sezonit ka qenë ajo e Lucien Favre. 63-vjeçari është larguar nga Borussia Dortmund në mënyrë të papritur dhe tani kërkon një shtëpi të re.
Frank Lampard
I fundit në rend kronologjik që ka mbetur pa ekip është Frank Lampard. Ish-trajneri i Chelsea-t ka paguar mungesën e rezultateve në Premier League.