Teuta, pasi ia doli të fitonte ndaj Apolonisë në ndeshjen e fundit të kampionatit, do të kërkojë vazhdimësinë edhe në takimin e radhës shtëpiak ndaj Skënderbeut.
Por, ashtu si ndaj fierakëve, edhe ndaj korçarëve, trajneri Edi Martini do të vuajë mungesën e dy lojtarëve.
Bëhet fjalë për Denis Pjeshkën dhe Sebino Plakun të transferuar në janar.
Të dy lojtarët kanë pësuar dëmtim dhe e kanë të pamundur të kontribuojnë në fushë për durrsakët, ndaj me shpresën se do të jenë të gatshëm për javën e ardhshme, do të qëndrojnë në “pit stop” edhe këtë herë.
Aktualisht, Teuta është në vend të katërt me 30 pikë, po aq sa edhe Laçi i vendit të tretë.