Interi synon transferimin e Nabil Fekir në verë

Futboll

Interi synon transferimin e Nabil Fekir në verë

Më: 21 shkurt 2021 Në ora: 10:21
Nabil Fekir

Nabil Fekil befasoi të gjithë kur vendosi t’i bashkohet skuadrës spanjolle Real Betis në verën e vitit 2019.

Betis pagoi rreth 20 milionë euro te Lyon për transferimin e francezit, i cili mund të largohet nga skuadra spanjolle gjatë kësaj vere.

Lojtari është duke kaluar nëpër një formë të mirë dhe Interi ka rikthyer interesimin për të.

Mediat italiane kanë raportuar se trajneri Antonio Conte e pëlqen shumë futbollistin dhe ka kërkuar nga drejtuesit e klubit afrimin e tij për sezonin e ri.

27-vjeçari ka bërë paraqitje shumë të mira këtë edicion, ku në 22 ndeshe ka shënuar dy gola e ka bërë pesë asistime.

Dëshira e lojtarit është të luaj në një skuadër më të madhe se Betis dhe ai ka mirëpritur interesimin e Interit.

Gjithsesi klubi spanjoll nuk mendon ta lë të lirë lojtarin pa u paguar shuma prej 30 milionë eurove. 

commentFirst article
Sot mund të lexoni Shfletoni kopertinat