Zekirija Ramadani tregon recetën për ta mposhtur Dritën

Futboll

Zekirija Ramadani tregon recetën për ta mposhtur Dritën

Më: 24 shkurt 2021 Në ora: 16:14
Zekirija Ramadani

Trajneri i Prishtinës, Zekirija Ramadani është shpërhur i kënaqur me fitoren e ekipit të tij përballë kampiones në fuqi, Dritës.

Prishtina e mposhti në shtëpi skuadrën e Dritës me rezultatin 2:0, falë golave të Leotrim Bekteshit dhe Tun Bardhokut.

Për këtë triumf, Ramadani përgëzoi futbollistët e tij për lojën e treguar dhe angazhimin maksimal dhe shtoi se ekipi do të përpiqet të vazhdoj me këtë ritëm edhe në ndeshjet tjera.

“Tri pikët ishin objektivi kryesor në këtë ndeshje dhe jam i kënaqur me fitoren por edhe paraqitjen e ekipit. Duhet përgëzuar futbollistët që u angazhuan maksimalisht. Megjithatë, shpresoj të qëndrojmë me këmbë në tokë dhe të vazhdojmë të punojmë dhe të bëhemi gati ndeshje pas ndeshjeje”, tha trajneri i Prishtinës, Ramadani pas ndeshjes.

Prishtina me këtë fitore afrohet edhe më shumë afër kreut, pasi që ndodhet vetëm katër pikë prapa liderit Ballkanit.

Shfaq komentet
comments powered by Disqus
Sot mund të lexoni Shfletoni kopertinat