Reagimi i mediave italiane për kartonin e kuq të Freuler

Futboll

Reagimi i mediave italiane për kartonin e kuq të Freuler

Më: 25 shkurt 2021 Në ora: 12:52
Reagimi i mediave italiane për kartonin e kuq të Freuler

Gazetat italiane vlerësuan se gjyqtari gjerman Tobias Stieler e ndryshoi ndeshjen kur e përjashtoi nga loja Remo Freuler në fillim të pjesës së parë të Atalntës kundër Real Madridit të mërkurën në Ligën e Kampionëve.

Freuler u përjashtua nga loja direkt me karton të kuq në minutën e 17-të, për një ndërhyrje ndaj Ferland Mendy, i cili ia siguroi Madridit fitoren pastaj me një gol në çastet e fundit të ndeshjes në Bergamo.

Por incidenti i pjesës së parë që përfshiu mbrojtësin francez e mori vëmendjen e ballinave.

La Gazzetta dello Sport shkruan se kartoni i kuq pas 18 minutave e ndryshoi tërë ndeshjen dhe nuk u pajtua me vendimin e gjyqtarit, duke thënë se francezi po shkonte anash portës dhe jo në drejtim të saj.

Tuttsport shkruan se kartoni i kuq për Freuler ishte i tepruar dhe e la skuadrën e Gasperinit të mangët.

Corriere dello Sport shton se Stieler nuk e shfrytëzoi siç duhet mundësinë që iu dha për ta ndarë drejtësinë në një ndeshje të elitës së futbollit evropian, duke ia nënvizuar disa gabime që i bëri gjatë ndeshjes dhe natyrisht vendimin për kartonin e kuq.

“Nuk bindi, veçanërisht në anën disiplinore dhe të lë me një ndjesi të pakëndshme”, shkroi e përditshmja italiane.

Nota me të cilën e vlerësuan mediat italiane Stielerin:

Tuttosport: 4,5

Il Corriere dello Sport: 4,5

La Gazzetta dello Sport: 4.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat