“Te Bayerni kanë një mënyrë tjetër për ta kuptuar futbollin sot, krahasuar me aventurën time të parë. Tani luajmë futboll më sulmues, ndërsa më parë e mbanim topin më shumë dhe më pëlqente. Kur arrita në Itali te Juve, megjithatë u adaptova shumë mirë dhe i mbaj tifozët në zemrën time”.
Douglas Costa dërgon një mesazh jo shumë të mbuluar në klubin e tij të vjetër, i cili ende ia zotëron kartonin. “Unë jam akoma duke mësuar gjuhën, falë shumë miqve italianë që kam. Gjëja kurioze është se e flas më mirë, që kur u largova nga Italia. Në Torino flisja spanjisht me Dybala, nuk kisha kohë të mësoja italisht. E ardhmja? Le të shohim se çfarë mund të ndodhë, unë ende kam kontratë me Juven. Do të doja të kthehesha, më pëlqen shumë Italia. Kush e fiton Serie A? Juventusi”.
Duke kujtuar kohën me Allegrin, braziliani nënvizon: “Vitin tim të parë në Itali u përpoqa ta kuptoj, por kjo më bëri të mësoj se si luhet në Itali. Një futboll ndryshe nga ai gjerman, më mbrojtës. Shumë taktikë? Në Itali fituan në këtë mënyrë dhe ekipet mbeten me atë ide”.
Douglas Costa më tej flet për të riun Musiala, Guardiolës, Neuer, Buffon dhe Cristiano Ronaldo: “Musiala është shumë i fortë, ka një cilësi të çmendur. Edhe kundër Leipzig, hyri dhe shënoi. Guardiola? Fenomen, i pëlqen të punojë shumë.
Neuer? Portier i madh. Unë e pashë atë dhe Buffon, janë dy kampionë. Gigi është një legjendë. Cristiano Ronaldo? Ai ka nutricionistin e tij prej dhjetë vitesh, unë nuk mund ta bëj këtë. Duartrokitje me të vërtetë”.
