Thomas Strakosha është shprehur i lumtur për grumbullimin e tij te Kombëtarja e Shqipërisë.
Kombëtarja shqiptare gjatë këtij muaji zhvillon tri ndeshje kualifikuese për Kampionatin Botëror “Katar 2022”.
Pjesë e listës së futbollistëve të ftuar nga Edoardo Reja është edhe Thomas Strakosha, i cili tash e një kohë po aktivizohet te Lazio.
Megjithatë, 26-vjeçari është një nga futbollistët kryesor te “kuqezinjtë”. Ai së fundmi ka publikuar një foto nga grumbullimi me Shqipërinë, duke u shprehur i lumtur për këtë.
“Është bukur të jem përsëri me ekipin tim kombëtar, veçanërisht me një objektiv madhor përpara. Katar 2022, duam të provojmë” – ka shkruar Strakosha në “Instagram”.