Trajneri i Barcelonës, Ronald Koeman, pret që ndeshja ndaj Real Madridit të jetë e mirë, por nuk beson që kjo ndeshje do jetë vendimtare për titull.
Nesër (e shtunë) zhvillohet “El Clasicos” mes Real Madridit dhe Barcelonës. Kjo ndeshje është e vlefshme për javën e 30-të në La Liga.
Në prag të kësaj ndeshje, Ronald Koeman sot ka deklaruar: "El Clasico është ndryshe nga ndeshjet e tjera. Barcelona është mirë, ne jemi në formë të mirë, po luftojmë për titullin.
Real Madridi po kritikohet shumë. Ata vazhdojnë të luajnë në Ligën e Kampionëve dhe të luftojnë për titullin La Liga. Unë nuk i mbështes ata që i kritikojnë. Ata kanë lojtarë të shkëlqyeshëm, do të jetë një ndeshje e mirë. Të dy ekipet e kuptojnë se sa e rëndësishme është të fitosh.
Rezultati i kësaj ndeshje nuk do të jetë vendimtar [në garën për titll], sepse do të ketë edhe shumë ndeshje. Nuk do të jetë e lehtë për asnjë skuadër të fitojë të gjitha ndeshjet e mbetura” – ka deklaruar Koeman.
Ndryshe, ndeshja mes Real Madridit dhe Barcelonës zhvillohet nga ora 21:00 në “Alfredo di Stefano”.
