Ja si pritet të luhet Real Madrid-Barcelona

Futboll

Ja si pritet të luhet Real Madrid-Barcelona

Më: 10 prill 2021 Në ora: 11:35
Ja si pritet të luhet Real Madrid-Barcelona

Real Madridi arrin me moral të lartë në një klasike thelbësore për garën e titullit në La Liga, pasi mposhti “Reds” në Champions, këtë mesjavë. Barcelona, ​​megjithëse vuajti kundër Valladolid në ndeshjen e fundit, gjithashtu po kalon një moment të mirë, me vetëm një pikë larg kreut. Diferenca në renditje nuk duket të jetë përfundimtare, pavarësisht nga rezultati, por është e qartë se kushdo që humbet sot do të marrë një goditje psikologjike, e cila vështirë të kapërcehet duke marrë parasysh se sa pak ka mbetur nga kampionati.

Për sa iu përket lëndimeve, më të rëndësishmet janë te Real Madridi, i cili nuk do të mund të llogarisë dy qendërmbrojtësit kryesorë, Varane (me koronavirus) dhe Ramos (i dëmtuar). As Carvajal dhe Hazard. Nga ana e saj, Barcelona ka rikuperuar Piqué dhe Sergi Roberto. I pari synon të jetë në formacionin startues, pavarësisht nga rreziku që kjo sjell. I dyti do të jetë në stol. Vetëm Neto mbetet në “infermierinë” Blaugrana.

Rreshtimi i Real Madridit
Zidane duket se ka gjetur 11-shin e garancisë për pjesën më të rëndësishme të sezonit. Pavarësisht nga problemet e dëmtimeve që ka pasur, zëvendësuesit ia kanë dalë në mënyrë perfekte. Sidomos në mbrojtje, ku Nacho ka luajtur një nga sezonet më të mira të karrierës së tij. Edhe Militao, i cili nuk kishte pasur shumë prezencë, ka luajtur plot garanci në ndeshjet e fundit. Gjithashtu, Lucas, i cili në anën e djathtë e ka gjetur veten shumë mirë.

Në mesfushë do të jenë Kroos, Casemiro dhe Modric, të pazëvendësueshëm, tre nga lojtarët më të përdorur nga Zidane këtë sezon. Me ta në fushë, Real Madridi siguron shkëlqim me topin. Në mbështetje të qendërsulmuesit Benzema do të luajnë Vinicius dhe Asensio. Braziliani arrin i ndriçuar, pas paraqitjes mbresëlënëse kundër Liverpool, ndërsa spanjolli ka katër ndeshje radhazi duke shënuar. Formacioni i Zidane pritet të jetë ky: Courtois; Lucas Vázquez, Militao, Nacho, Mendy; Casemiro, Kroos, Modric; Asensio, Vinicius dhe Benzema.

Rreshtimi i Barcelonës
Sistemi me tri qendra mbrojtjeje është vendosur në ekipin Blaugrana. Edhe pse në fillim dukej si një ide shumë e guximshme nga Koeman, holandezi ka treguar se me të ka ekip shumë më të ekuilibruar. Pyetja tani është se me cilët lojtarë do të startojë në “Di Stéfano”. Me kthimin e Piqué, Koeman mund të sakrifikonte një nga qendrat, Mingueza ose Lenglet, në mënyrë që De Jong të vazhdojë të luajë si qendër e pasme.

Përkundrazi, nëse Koeman preferon të përparojë bashkatdhetarin e tij në qendër të fushës, gjithçka tregon se Dembelé ose Griezmann do ta fillonin nga stoli. Zëvendësues, sipas gjasave do të përfundonte ish-Atlético Madridi, duke marrë parasysh formën që po kalon. Dest dhe Alba do të zënë korsitë, ndërsa Pedri, Busquets dhe Messi do të plotësojnë 11-shen. Argjentinasi mund të jetë duke luajtur klasiken e tij të fundit. Formacioni i Barcelonës pritet të jetë: Ter Stegen; Mingueza, Piqué, Lenglet; Dest, Busquets, De Jong, Alba; Pedri, Messi dhe Dembelé.

Shfaq komentet
comments powered by Disqus
Sot mund të lexoni Shfletoni kopertinat