Efekt domino në stolat e klubeve të Bundesligës. Borussia Moenchengladbach ka zbuluar nëpërmjet një njoftimi për shtyp emrin e trajnerit që do të drejtojë këtë skuadër gjatë sezonit të ardhshëm.
Bëhet fjalë për Adolf Hutter, teknikun aktual të Eintrachtit të Frankfurtit, që do të marrë vendin e Marco Rose, i cili në verë do të jetë zyrtarisht trajneri i Borussias së Dortmundit.
Një ditë më parë edhe Kolni emëroi Friedhelm Funkel trajner të skuadrës për gjashtë ndeshjet e fundit të sezonit në Bundesliga pasi shkarkoi Markus Gisdol.
Ky vendim i drejtuesve erdhi pas rrezikut të shtuar për rënien nga kategoria.