Jo vetëm Anglia, kthehet publiku në stadiume edhe...

Futboll

Jo vetëm Anglia, kthehet publiku në stadiume edhe...

Më: 12 maj 2021 Në ora: 21:40
Jo vetëm Anglia, kthehet publiku në stadiume edhe...

Futbolli po mundohet pak nga pak t’i kthehet normalitetit dhe rimbushjes së shkallareve të stadiumeve me tifozë, të cilët kanë munguar prej më shumë se një viti, sidomos në futbollin e rëndësishëm evropian ku masat kanë qenë të ashpra.

Sinjalet e para i dha Anglia e cila lejoi që në javët e fundit ndeshjet të zhvilloheshin me tifozë dhe tashmë këtë hap po e ndërmerr edhe Spanja.

Në fakt, bëhet fjalë për vendimin rreth futbollit profesionist i cili është nën autonominë e qeverisë, pasi futbolli amator është në varësi të krahinave dhe ka patur ndeshje në këtë vit në kategorinë e katërt që në Spanjë janë zhvilluar me deri 7 mijë persona të pranishëm.

Sot, qeveria vendosi që për futbollin profesionist, por edhe për basketbollin, të lejohej kthimi i tifozëve në stadiume duke iu nënshtruar qartësisht rregullave të distancimit social dhe jo më shumë se 5 mijë persona.

Megjithatë, kjo nuk do të jetë e mundur në të gjithë Spanjën, por vetëm në ato krahina që janë në nivelin 1 të epidemisë me numër të ulët infektimesh.

Ky është vetëm hapi i parë, pasi pretendohet që së shpejti të hapet drita e gjelbër për të gjithë futbollin, me numra shumë më të lartë, në mënyrë që fillimi i edicionit të ardhshëm të shohë stadiumet duke u mbushur me gjysmën e kapaciteteve në Spanjë.

Shfaq komentet
comments powered by Disqus
Sot mund të lexoni Shfletoni kopertinat